हॅलो आरोग्य ऑनलाईन। वाढते वजन किंवा वाढलेले वजन कमी करणे वा नियंत्रणात ठेवणे दोन्हीही गोष्टी कंटाळवाण्या असल्या तरीही किती गरजेच्या आहेत हे आपण सारेच जाणतो. त्यामुळे जो तो वजन कमी करण्यासाठी शक्य ते सर्व पर्याय अवलंबून पाहतो. पण अनेकांच्या बाबतीत काहीही करा पण वजन काही कमी होत नाही. मग अश्यावेळी काय करावे ते सुचत नाही. याचे कारण म्हणजे, तुम्ही कितीही व्यायाम करा. योगा करा. इतकंच नव्हे तर वजनाची कामे करा. पण जर तुम्ही आहाराबाबत सतर्क नसाल तर वजन वाढणे अटळ आहे.

वजन वाढण्यास कारणीभूत घटकांमध्ये पांढऱ्या पदार्थांचा अधिक समावेश आहे. जसे कि, पांढरा तांदूळ, साखर, मीठ. तर जेव्हा तुम्हाला तुमचे वजन वाढू लागले आहे असे निदर्शनास येईल तेव्हा सर्वात आधी आहारात बदल करा. याकरिता आहारातून पांढऱ्या पदार्थाना वगळून काळ्या पदार्थांचा समावेश करा. पांढर्‍या तांदळाऐवजी काळा तांदूळ, साखरेऐवजी ब्राऊन शुगर, गूळ आणि ब्लॅक बेरी, ब्लॅक गार्लिक यांचा आहारात समावेश करून घ्या. कारण पांढऱ्या पदार्थांपेक्षा काळ्या पदार्थांमध्ये वजन कमी करणारे आवश्यक तत्त्व समाविष्ट असते. पण काळ्या पदार्थांमध्ये कोणकोणत्या पदार्थांचा समावेश होतो? काळजी करू नका जाणून घ्या खालीलप्रमाणे:-