प्रोटिन सप्लिमेंट्स खाणे कितपत योग्य आहे..?; जाणून घ्या काय सांगतात तज्ञ

तज्ञ सांगतात कि, जगातील २७% टक्के लोक प्रोटीन बार वा प्रोटीन शेक घेतात. जे लोक आठवड्यात २ वेळा जास्त व्यायाम करतात, त्यांची भर घातली, तर हे प्रमाण   ३९% वर जाते. विशेष म्हणजे, व्यायामानंतर प्रोटीन शेक घेतल्याने काय फायदा होतो हे फक्त ६०% लोक जाणतात. व्यायाम करायला लागल्यावर सुरुवातीच्या 
दिवसांमध्ये प्रथिनंयुक्त आहार लाभदायक असतो. पण त्यानंतरच्या काळात याचा लाभ होतो का याबद्दल खात्रीशीर सांगता येत नाही.

याचे कारण म्हणजे, व्यायामाची सवय झाल्यावर प्रोटीनयुक्त पदार्थांपासून होणारे लाभ कमी होतात. शिवाय, प्रोटीनयुक्त आहार कर्बोदकांच्या सोबत केला जात
असेल, तरच तो उपयोगी असतो. त्यामुळे प्रथिनांचे आहारातील प्रमाण शरीराला सुदृढ ठेवण्यासाठी सहायक ठरते पण प्रोटीनयुक्त आहाराची सवय लावून घेऊ नका. कारण क्रीडापटूंना वा जिम करणाऱ्या व्यक्तींना अतिरिक्त प्रथिनांचा लाभ होतो. 

सर्वसामान्य पातळीवर जगताना अति प्रथिने शरीरासाठी हानिकारक ठरू शकतात. त्यामुळे प्रोटीन सप्लिमेंट्स प्रत्येक व्यक्तीने खाणे गरजेचे नाही. बहुतांश लोकांना त्यांच्या शारीरिक गरजेपेक्षा जास्तच प्रथिनं खायला मिळतात. त्यामुळे त्यांना 
सप्लिमेंट्सची अशीही गरज नसते. नेहमीच्या जेवणातून आपल्याला पुरेशी प्रथिनं मिळत असतात. त्यामुळे अधिक मात्रेत प्रोटिन्सची मात्रा वाढवण्याची गरज नाही.