इम्युनिटी वाढविण्यासाठी सोप्पे उपाय शोधताय?; लगेच जाणून घ्या

हर्बल टी – साध्या चहामध्ये कॅफेन असतं. जे शरीराला हानी पोहोचवतं. मग अश्यावेळी इम्युनिटी वाढवायची असेल तर हर्बल टी उत्तम पर्याय आहे. हा चहा बनवण्यासाठी विविध औषधी वनस्पती तसेच मसाल्यांचा वापर करतात. यातील अँटी इंफ्लामेटरी गुणधर्म आणि अँटीऑक्सिडंट गुणधर्म जळजळ, सर्दी आणि फ्लूपासून आराम देऊन इम्युनिटी बूस्ट करतात.

च्यवनप्राशचे सेवन – च्यवनप्राश खाल्ल्याने रोगप्रतिकारक शक्ती वाढते असं सिद्ध झालं आहे. कारण यात विविध औषधी वनस्पती वापरल्या जातात. म्हणून रात्री झोपण्यापूर्वी हळदीच्या दुधासोबत किंवा गरम पाण्यातून च्यवनप्राशचे सेवन करा.

हळदीचं दूध – हळदीत अनेक औषधी गुणधर्म असतात. जे कोणत्याही प्रकारची दुखापत भरून काढण्यासाठी सहाय्यक आहेत. त्यामुळे अनेकजण दुखापत झाल्यास हळदीचे दूध पिण्याचा सल्ला देतात. हळदीच्या दुधातील घटक शरीरात प्रवेश करून विषाणूंना रोखण्याचे काम करतात. त्यामुळे रोज रात्री १ ग्लास दुधात १ चमचा हळद मिसळून प्या. यामुळे रोगप्रतिकारक शक्तीदेखील मजबूत होते.

नस्य थेरेपी – नस्य थेरपीसाठी खोबरेल तेल, तिळाचं तेल किंवा तुपाचे २ थेंब नाकपुडीत सोडा. असे केल्यास शरीरात व्हायरस शिरण्यास प्रतिबंध केला जातो. यासाठी दोन्ही नाकपुडीत तूप किंवा तेलाचे २ थेंब टाकून काही मिनिटं झोपा. असे केल्यास शरीरातील प्रतिकारशक्ती वाढण्यास मदत होते.

फुफ्फुसांसाठी योगासन – कोणताही विषाणू सगळ्यात आधी थेट फुफ्फुसावर हल्ला करतो. यामुळे श्वसनसंस्था कमकुवत होते. म्हणून आपल्या फुफ्फुसांचे कार्य मजबूत आणि सक्षम ठेवण्यासाठी प्राणायाम, कपालभाती आणि भस्त्रिका प्राणायाम यांसारख्या आसनांचा निमित्त शैलीत समावेश करा.